itna socha, itna socha, hairat hai
phir bhi khat main kuch na likha hairat hai
tum arsa pehle ki baten krtay ho
sach much itna arsa beeta? hairat hai
ab zakhmi se khwabon ki tabeeren kya
kiu neendon ne dhoka khaya, hairat hai
deevaron per kuch saye chup bethay thay
badli main chup chanda bola. hairat hai
arsa beeta tum to blkul wese ho
kiu ankhon se badal barsa, hairat hai
meri tehreeren bhi roya karti hain
tum ne mujh ko hanstay dekha, hairat hai
main ne jab yeh pucha kis ne dastak di
hairat se darvaza bola, hairat hai
Post a Comment